Iazko udaberri hotz eta euritsuaren ondoren uda beroa izateak 2013ko mahats uzta "ona baina txikia" izatea eragin du, gaur Getarian txakolin denboraldiaren hasieran adierazi dutenez. %45 gutxiago ekoiztu dute, baina ekoitzitakoaren kalitatea nabarmendu dute.
Amets Arzallus bertsolaria izendatu dute Mahasti Jaun. Eskertuta hartu du Arzallusek izendapena, eta esan du tarteka gustuko duela txakolina edatea. Andoni Egañaren eta Sebastian Lizasoren bertsoek eman diote hasiera txakolin sasoiari.
Hogeita bederatzi upategik daukate Getariako Txakolina jatorri izena.
