Mendizale bat erreskatatu dute Txindoki mendian

DONOSTIA. Ertzaintzak zauritutako mendizale bat erreskatatu zuen, atzo eguerdian, Txindoki mendian (Gipuzkoa), Larraitz inguruan. Herrizaingo Sailak jakinarazi zuenez, Txindoki mendia igotzen ari zela, mendizaleak istripua izan eta min hartu zuen zango batean. Ibilgailuentzat iristea ezinezkoa den leku batean gelditu zenez, helikoptero batek jaso zuen zauritua.