Berri agentziek jakitera eman dutenez, Frantziako Poliziak Espainiakoaren esku utzi du Mikel Karrera Sarobe. Espainiako Auzitegi Nazionalaren aginduz Espainiaratu dute, aldi baterako. Gizateriaren kontrako krimena egitea egotzita epaituko dute Espainian, baina kasu honetan "terrorismo delituekin" lotuta Ferndando Andreu epaileak deklarazioa hartzeko eramango dute Espainiako Auzitegi Nazionalera. Gero berriro ere Frantziara eramango dute.
Frantzian bizi osorako zigorra jarri zioten Karrera Saroberi Jean-Serge Nerin jendarmea tiroketa batean hiltzea egotzita. 2010ean atxilotu zuten arte ETAren arlo militarreko burua izatea egozten dio Espainiako Auzitegi Nazionalak.
