Emakumezko moto gidari bat hil da gaur goizean Donostiako saihesbidean (GI-20) izandako istripu batean. 06:50ean izan da ezbeharra, moto gidariak kamioi baten aurka jo baitu Polloeko tuneletan. Larrialdi zerbitzuak bertaratu direnean, ezin izan dute ezer egin emakumea suspertzeko. Ertzaintza istripua zerk eragin duen ikertzen ari da, eta lekukoak eskatu ditu, urte baitu tartean ibilgailu gehiago egon daitezkeela.
Istripuak auto ilara handiak eragin ditu saihesbidean, eta zirkulazioa oso motela da. Hala ere, ez du errepidea itxi, eta ibilgailuak bide bazterretik pasatu daitezke. Auto ilaren eragina nabarmena da inguruko beste errepideetan.
Gaur goizekoa aurten Gipuzkoako errepideetan hildako laugarren moto gidaria da. Iaz bederatzi hil ziren lurralde horretan, eta hamalau guztira Euskal Herrian.
