Falloux legea saihesteko, herriko etxeak kultura zentro bat irekitzea deliberatu zuen, eta bertan kokatzea ikastolak. Suprefetaren erabakiak saihesbide guztiak itxi ditu, eta, Paxkal Indo Seaskako lehendakariaren iritziz, murgiltze ereduaren proiektua eta iraupena arriskuan ezarri du.
Asteburuan larrialdiko bilkura egin dute Seaskako bulegoa osatzen duten kideek, eta iluntzean Seaskako ikastetxe guztietako lehendakariak bilduko dira, erantzuna prestatzeko. Indoren iritziz, mobilizazioa da erantzuteko bidea. Bihar berean agerraldia eginen du Seaskak Baionako Suprefeturaren aitzinean.
