Nafarroako Gobernuak auzitara eraman du Eusko Jarularitzaren oinarrizko hezkuntzako curriculuma, "Nafarroaren aipamenak" egiten direnez, bere eskumenetan "esku sartzen" ari dela iritzita. "Eusko Jaurlaritzaren legez kanpoko esku-sartzea EAEko Auzitegi Nagusiaren administrazio auzitarako atalean salatuko dugu. Hori da Nafarroako nortasuna, eskubideak eta eskumenak defenditzeko geratzen zaigun bidea", agertu du Alberto Catalan Gobernuko bozeramaileak.
Auzibidera jo aurretik, Jaurlaritzari beren egonezinaren berri eman diotela agertu du Catalanek: Idoia Zenarrutzabeitia lehendakariordeari protesta gutuna helarazi ziotela, baina ez dutela erantzunik jaso. Gasteizko Gobernuak bi baldintza betez gero atzera egiteko prest agertu da Nafarroako Gobernua: batetik, curriculuma bertan behera uzten badu, eta, bestetik, barkamena eskatzen badu.
Nafarroako Gobernuak auzitara eraman du Jaurlaritzaren hezkuntza curriculuma
Nafarroari buruzko aipamenak daudenez, Gasteizko Gobernua beren eskumenetan "esku sartzen" ari dela iritzi dio. Curriculuma Espainiako Konstituzioaren eta Nafarroako Foru Hobekuntzaren kontrakoa dela salatu du.
Iruzkinak
Ez dago iruzkinik
Ordenatu
