Indarkeria matxista delitua leporatuta, lau gizon atxilotu dituzte azken astean Nafarroan, lau herritan. Zehazki, Poliziak Tafallan, Milagron, Artaxoan eta Burlatan eraman ditu atxilo gizonezkoak. Burlatan udaltzainek jardun dute operazioan; gainerako hiruretan, foruzainek. EITBk zabaldu du erasoen eta haien ondoko atxiloketen gaineko informazioa.
Ez dira gaur indarkeria matxistaren alorrean aditzera emandako kasu bakarrak. Hain zuzen, joan den larunbatean Itsasuko (Lapurdi) festetan gertatutako eraso bat salatu dute.
