IRUÑEA.Nafarroako Unibertsitate Publikoaren «euskara plana eskasa dela» salatu zuten atzo zenbait eragilek. Ikasle Abertzaleak, ELA, LAB, Steilas, Hizkuntza Eskubideen Behatokiak, Iruñeko euskalgintza eta NUPeko euskara taldea eta langile talde bat agertu ziren prentsaren aurrera: «Euskararen Plan Gidaria birmoldatzeko» eskatu zioten errektoretzari.
Planaren gabezia bat nabarmendu dute: egun, NUPek gradu bakarra eskaintzen du osorik euskaraz, Irakasletza, baina NUP sortu baino lehenagokoak dira ikasketa horiek. Hortaz, salatu dute 30 urtean NUPek ez duela gradu oso bat euskaraz eskaintzeko ahaleginik egin, «nahiz eta ikasle euskaldunen proportzioa etengabe handitu». Egun, ikasleen%30 dira euskaldunak. Bigarren Hezkuntzako ikasleen artean euskarari buruzko prospekzioa eskatu dute.
NUPeko euskara plana «eskasa» dela salatu dute
Iruzkinak
Ez dago iruzkinik
Ordenatu
