Osakidetzako greba «arduragabekeria» dela adierazi du Jon Darponek

GASTEIZ. Gogor mintzatu zen atzo Jon Darpon Eusko Jaurlaritzako Osasun sailburua Osakidetzako grebaren inguruan. «Arduragabekeriatzat» jo zuen deialdia: «Sindikatuei egindako eskaintzak eta Osakidetzako lan baldintzak kontuan hartuta, ez dago justifikatuta». Atzo gauean hasi zituzten lanuzteak, ELA, LAB, CCOO, UGT, ESK, SATSE, SME eta FFHH sindikatuek deituta; gaur eta bihar segituko dute.