Osasun Ministerioak elkarte gastronomikoetan erretzea debekatuta dagoela argitu du

Espainiako Tabakoaren Legeak piztu baino ez zuen egin elkarte gastronomiko eta txokoetan erre ote daiteken jakin nahi dutenen zalantza. Eusko Jaurlaritzak, eskuak garbitu eta elkarte bakoitzaren esku utzi zuen erabakia, bere legeak ez zuela hori zehaztuko azalduz.

Orain, ordea, Espainiako Osasun Ministerioak argitu du Tabakoaren Legeak debekatu egiten duela elkarte gastronomiko eta txokoetan erretzea. Debekuak elkarte zibil, kultural eta gastronomikoei eragiten die, beste batzuen artean.

Urtarrilaren 2an sartu zen indarrean Espainiako legea, eta Jaurlaritzarenak hori gogortu baino ezin du egin. Gainera, legearen aplikazioa Jaurlaritzari dagokio, eta ikusteko dago orain Osasun Ministerioaren zehaztapenaren ondoren, debekua nola kudeatzen duen.