Lau eta sei urte arteko kartzela zigorra jasotzeko arriskuan daude Oteitzako zazpi herritar (Nafarroa), «autoritatearen aurkako atentatua» leporatuta. Hala salatu zuten atzo, dozenaka lagunekin egindako agerraldian. Jose Angel Bermejo alkateak (PSN) jarri zuen haien aurkako salaketa, 2013ko azaroan izandako liskar baten ondorioz. Ikurrin bat eta Independentisten bandera zeuden jarrita herrian, eta alkatea horiek erretiratzera joan zenean sortu zen tirabira. Akusatuek ukatu egin dute alkateari eraso egin izana, baina Lizarrako auzitegian deklaratu beharko dute datorren asteazkenean.
Donostiako Gipuzkoa plazan, berriz, omenaldia egingo diote gaur ikurrinari. Gipuzkoako Foru Aldundiak antolatu du ekitaldia, eta, aurreratu duenez, Realeko kapitain ohi Inaxio Kortabarriak altxatuko du ikurrina plazan jarritako mastan.
Oteitzako zazpi herritar, kartzela arriskuan ikurrinagatik liskarra izanda
Iruzkinak
Ez dago iruzkinik
Ordenatu
