Gorka Palaciosi 2001eko ekainean Madrilen Justo Oreja Pedraza generala hiltzea leporatzen diote, baita gaizkile elkarteko kide izatea eta armak edukitzea ere. Juan Luis Rubenachi ere ekintza berean parte hartzea bizkarreratzen diote.
Ibon Fernandez Iradiri, berriz, Ramon Diaz Garcia Donostiako komandantziako sukaldaria eta Elektra enpresako langile Jose Angel Santos eta Josu Leonet hiltzea egozten diote. Bi ekintza horiek 2001ean gertatu ziren.
Estradizio eskaera
Palacios, Fernandez Iradi eta Rubenachen estradizio eskaera egin dio Espainiak Frantziari
Espainiako Ministroen Kontseiluak Gorka Palacios, Ibon Fernandez Iradi eta Juan Luis Rubenach ETAko ustezko kideen estradizioa egin dio Frantziako Gobernuari. Palacios eta Rubenach abenduaren 9an atxilotu zituzten Paben eta abenduaren 4an Fernandez Iradi atxilotu zuen Frantziako Poliziak Mont de Marsanen. Espainiako agintariek hainbat ekintza egitea leporatzen die ETAko ustezko hiru kideei.
Iruzkinak
Ez dago iruzkinik
Ordenatu
