Pasaiako badia biziberritzeko 1,7 milioi euro eman ditu diputazioak

DONOSTIA. Pasaiako Udalari, Portu Agintaritzari eta Jaizkibiari 1,7 milioi euro emango dizkie Gipuzkoako Foru Aldundiak, Pasaiako badia biziberritzeko egitasmoekin jarraitzeko. Herrera iparraldea urbanizatzeko, arraun eta piraguismo egoitza egokitzeko, San Pedroko udal eraikina berritzeko, Arrandegi eta Andonegi kaleen arteko irisgarritasuna hobetzeko, frontoiko etorbidea egokitzeko, eta Zerbitzuetako eta Mantentze Lanetako udal eraikinak Nabalaldeara lekuz aldatzeko erabiliko dute diru laguntza hori.