Joan den larunbatean Demoak eta Zuzen Ekintza Taldeko zortzi kide Parisetik hurbil dagoen Poissy espetxeko harresira igo ziren euskal presoek Euskal Herrian egon behar dutela aldarrikatzera. Horietako bat Olentzeroz jantzia igo zen eta bestea Santa Klausez.
2002. urteko abenduaren 21ean antzeko ekintza bat egin zuten Pariseko La Sante espetxeko harresira igota.
Ekintza Poissyn
Poissy espetxeko harresira igotako 16 euskal herritarrak epailearen aurretik igaro dira
Joan den larunbatean, Poissy espetxeko harresira igotako Demoak eta Zuzen Ekintza Taldeko 16 euskal herritarrak epailearen aurretik igaro dira dagoeneko, 'Gara.net'-ek jasotzen duenez. Atxilotu guztiei espediente bat ireki die epaileak, "espetxe bateko harresira modu desegokian igotzea" leporatuta. Urtebeteko espetxe zigorra eta 15.000 euroko isuna ekar diezaieke ekintza horrek euskal presoak Euskal Herrian behar dutela aldarrikatzera joan ziren hamasei lagunei.
Iruzkinak
Ez dago iruzkinik
Ordenatu
