Zer dago jokoan hauteskunde hauetan?
Erreleboa izan da kanpaina hasi aurretik, data finkatu gabea zela ere, behin eta berriz aipatu den hitza. Politikarien arteko erreleboa lehenik, lehendakarigai eta hautagaietan gorpuztu dena, bai eta aginterako aukera erreal moduan mahai gainean jarri dena. Belaunaldi aldaketa, garai berriak… Hauteskunde hauetan, hastear den agintaldiaz haratagoko proiektuen gauzagarritasuna dago jokoan. Epe luzerako erronkak, eta ez nolanahikoak: euskararen fosiltzea etengo duten ekimen eta politika publiko eraginkorrak, zaintza eredu justu bat, klima larrialdiari zein zerbitzu publikoen pribatizazioari aurre egiteko erabakiak, bai eta EAEk gainerako euskal lurraldeekin (izango) dituen harremanak.
Zer itxaropen duzu emaitzen harira?
Hauteskunde orok aktibatzen dituen inkesta uholdearen aurrean, abstentzioari ere erreparatu behar zaio. Legealdi honetan, emaitzek osatuko duten puzzlearen aurrean aipatu epe luzerako erronkei erantzuteko tresnak jartzeko borondatea eta ausardia ez ezik, horiek bideratzeko tresnak ere praktikan ikusi nahi nituzke. Hitzez haragoko ekintzak.
