Aurrera doa Ipar Euskal Herriko elkargo bakarraren inguruko bozketa. Joan den ostegunean Baionaren txanda izan zen, eta asteburuan Sarako eta Behorlegiko udalek egin dute hautua; horietan ere baiezkoa izan da nagusi. Hala, orain arte erabakia hartu duten sei herriek egin dute elkargo bakarraren alde, eta 78.378 biztanleko langara heldu dira.
Elkargo bakarra osatuko bada, beharrezkoa da Ipar Euskal Herriko herrien erdiek alde bozkatzea. Baina ez da hori baldintza bakarra; izan ere, herri horiek herritarren erdiak ordezkatu behar dituzte, alegia, 150.000 lagun. Baietzaren alde egiten azkenek, Sarak eta Behorlegik, 2.640 lagun gehitu dizkiete aurretik zeuden 77.046 biztanleei.
