Sareko kide Sabin Juaristi eta Joseba Azkarraga Kalera kalera! ekinbideko kideekin izan dira Usurbilen (Gipuzkoa). Bilera egin dute preso ohien ordezkariekin, eta, besteak beste, EPPK-ko zuzendaritzak zabaldutako txostena aztertu dute. "Gatazkaren konponbidearen inguruan urratsak egitea planteatzen duen edozein ekinbide begi onez ikusten dugu", adierazi du Juaristik. Txosten horrek erakusten du, Sareko kideen iritziz, EPPK-ko presoek "aurrera jarraitzeko borondatea" badutela: "Guretzat oso inportntea da hori, nabarmentzekoa. Sareren laguntza eta babesa izango dute".
Espainiako Gobernuaren jarrera ere kritikatu dute. "[Espainiako Barne ministro] Zoidoren hitzetan ikusi genuen aurrebaldintzak besterik ez dutela jartzen, eta eskaera guztiei ezezko borobilarekin erantzuten jarraitzen dutela", esan du Juarisitik: "Hor, argi daukagu euskal jendarteak bidelagun izaten jarraitu behar duela".
Sareko kideak ez ezik, Europako Parlamentuko diputatu Josu Juaristi (EH Bildu) ere izan da Kaleragunean.
