Hainbat pertsona intoxikatu dira kea arnastuta eta beste batek erredura arinak izan ditu etxebizitza gisa erabiltzen den lokal batean izandako sute batean. Sutea gertatu den lokala Martuteneko (Donostia) poligono baten kokatuta dago.
Suhiltzaile eta Ertzaintzak jakinarazi dutenez sutea 9:00 baino lehentxeago hasi da, antza denez koltxoi batean. Bertan bizi direnak sua itzaltzen saiatu diren arren, hau oso azkar zabaldu da eta lokalaren ondoan dagoen altzari enpresa bati ere eragin dio.
