Tabernari bat atxilotu dute argazkien aferagatik

BILBO. Jose Manuel Rivero Bilboko Zazpikaleetako Errondabide tabernako tabernaria atxilotu zuen atzo Ertzaintzak. Tabernan presoen argazkiak izateagatik Auzitegi Nazionalean deklaratzera deitu zuten iaz, baina ez zuela deliturik egin esan, eta uko egin zion auzitegira joateari. Hamabi aldiz kendu dituzte argazkiak Errondabidetik.