Testak egitera deitu dute Eibar eta Basaurin

BASAURI. Koronabirus kasuen gorakadaren ondorioz, Jaurlaritzako Osasun Sailak PCR probak egitera deitu ditu Basauriko (Bizkaia) eta Eibarko (Gipuzkoa) herritarrak. Zehazki, 13 eta 40 urte bitartekoek izanen dute aukera testa egiteko. Bi herrietan, positibo kopuruak nabarmen egin du gora azken egunetan. 100.000 biztanleko 611 kasu daude hamalau egunean Basaurin. Eibarren, 1.758 da intzidentzia tasa. Basaurin, Osakidetza gaur hasiko da PCR probak egiten, 16:00etan. Basauriko Erretiratuen Etxean eginen dituzte, eta baheketek bost egun iraunen dute gutxienez. Eibarren, astelehenetik ostiralera eginen dituzte probak, arratsaldez, Eibarko ospitalean.