Elurteak, zaparradak eta txingor ekaitzak utzi ditu eguraldiak, gaur goizean, Euskal Herrian. Horien ondorioz, goiza ohi baino nekezago egingo zitzaien zenbaiti, eragozpenak sortu baitira, esaterako, errepideetan. Baina eguratsaren indar erakustaldiak ez ditu auto ilara gogaikarriak bakarrik eragin. Ikuskizun liluragarririk ere izan baita.
Zumaian eta Zarautzen (Gipuzkoa) traganarru bat ikusteko aukera izan dute goizean goiz, eguna argitzen ari zela. Itsasotik gora, zeruarekin bat egiteraino altxatu den ur erauntsiak kostaldetik gertu igaro ditu bi herri horietako inguruak.
Hona herritar batek Zarautzen bideoz jaso dituen irudiak:
[youtube]https://youtu.be/V1_OO4nYtDk[/youtube]
