Traganarrua sortu da gaur arratsaldean Lapurdiko kostaldean. Bidartetik eta Getariatik oso argi ikusi dute.
#trombemarine à #guethary#paysbasque 📷 @mateolapios pic.twitter.com/jpRb717zOf
— Météo Pyrénées (@Meteo_Pyrenees) June 4, 2020
Tragarroia ere esaten diote, eta haize zurrunbilo indartsua da. Normalean, hodei zutabe baten azpialdetik sortzen da, eta inbutu baten forma hartzen du, tornado baten pare. Hain zuzen, tornadoak lurrean dagoen hautsa —eta ahal duen guztia— jasotzen du; traganarrua, berriz, itsasoaren gainean sortzen da, eta haren azaletik ura xurgatzen du, zirimola batean; hortik datorkio izena. Gutxi irauten dute normalean, eta eskerrak, oso arriskutsuak baitira itsasoan dabilen ontzi ororentzat. Mitologian islatzen da arrisku hori: arrantzaleen etsaia izaten da haren pertsonifikazioa.
Il y a deux heures à #bidart#paysbasque 📷aurelie Monnet pic.twitter.com/TU5H7phZ71
— Météo Pyrénées (@Meteo_Pyrenees) June 4, 2020
2018. urtean, traganarru bat igaro zen Zarautz eta Zumaiako kostatik. Hura ere kamerekin hartu ahal izan zuten.
