10:45 aldera lortu dute Renfeko teknikoek matxura guztiak konpondu eta Andoain eta Zumarraga (Gipuzkoa) arteko tren zerbitzua berriro abian jartzea. Bitartean, goizeko lehen orduetatik hasita, autobus bidez osatu behar izan dute tarte hori.
Izan ere, bart goizaldean katenariaren kontrapisua hautsi dute Villabona eta Andoain artean, eta, ondorioz, arazo handiak sortu dira Donostiako aldirietako sare guztian eta ibilbide luzeko zenbait zerbitzutan. Katenaria hautsi eta gaueko zenbait tren pare horretatik igaro direnean, kontrapisurik ezean, argindar lineak eta zutabeak bota dituzte.
Irun eta Andoain arteko zerbitzua eta Zumarraga eta Brinkola artekoa arazorik gabe eman du Renfek ia hasieratik, baina Andoain eta Zumarraga artekoa ez. Ondorioz, autobusak jarri dituzte Andoain eta Zumarragako ibilbidea egiteko.
Aldirikoetan ez ezik, ibilbide luzeko trenetan ere trabak eragin ditu erasoak.Hala, Madril, Bartzelona eta Lisboarako bidaiak egiten dituzten trenetako bidaiariek Zumarragan jaitsi, eta handik autobusean jarraitu behar izan dute.
Erasoa
Trenaren katenaria hautsi dute Andoain eta Villabona artean
Traba handiak izan dira goizean zehar Renferen zerbitzuan.
Iruzkinak
Ez dago iruzkinik
Ordenatu
