BERRIAko asteko albiste nabarmenenarekin, elastikoak atera ditu BERRIAk. Martxoaren 5ean kaleratu zen lehenengo diseinua, eta sanferminetarako elastikoarekin amaitu da sasoi honetako saila. Hamasei trixerta egin dira, eta uztailaren 22an amaituko da eskariak egiteko epea. Zaldieroak, Oninartek, Savanna Studiok eta Zugaz.art sortzaileek egin dituzte txanda honetako diseinuak.
Edukiak sortzen ditu BERRIAk egunero, eta albiste horiekin janzten ditu irakurleak. Euskarri berri bat izan dute eduki horiek, eta beste modu batera jantzi du jendea.
Elastikoak izendatzeko tixerta erabiltzen delako eta proiektua hiru zutoinen gainean osatu delako hartu du egitasmoak Trixertak izena. Sortzaileak arduratu dira sormenaren arloaz; Oninart estudioak egin ditu ekoizpen lanak, eta kamisetak BERRIAk hedatu ditu.
Sorkuntza eta euskal kultura hedatzea ere zereginen artean du BERRIAk, eta, egitasmo horrekin, bide horretan beste urrats bat egitea izan da asmoa.
Elastikoek 25 euro balioko dute —etxerako bidalketa eta BEZa barne—, eta BERRIAlagunek %10 merkeago izango dute: 22,5 euro. www.berria.eus/trixertak/katalogoa/helbidean ikusi eta eska daitezke.
