Ugaitz Errazkin eta Iurgi Garitagoitia epaitzen hasi dira Auzitegi Nazionalean

MADRID. Ugaitz Errazkin eta Iurgi Garitagoitia euskal presoen kontrako epaiketa hasi zuten atzo Auzitegi Nazionalean. 49 urteko presondegi zigorra eskatu du fiskaltzak bien kontra, 2008. urtean Inazio Uria Azpeitiko (Gipuzkoa) enpresaburuaren erailketan parte hartu izana leporatuta. Auzitegiaren aurrean, ETAren ekintza hartan parte hartu izana ukatu dute bi akusatuek.