UPNk ez du diputaturik lortuko, EITB Focusen arabera

IRUÑEA. Uztailaren 23ko Espainiako Gorteerako hauteskundeen inguruko inkesta kaleratu du EITB taldeak, EITB Focus, eta, horren arabera, Nafarroan UPNk ez du lortuko diputaturik Madrilgo ganberan. PPk, berriz, bi eserleku aterako lituzke, PSNk bezainbeste lurralde horretan. EH Bilduk, berriz, diputatu bat lortuko luke, azken deialdianbezainbeste.

Horiek horrela, PSNk eta PSE-EEk zazpi ordezkari lortuko lituzkete Hego Euskal Herrian, egungoak baino bi gehiago. EH Bilduk sei diputatuko taldea osatuko luke Madrilen Nafarroako diputatuaz gain, bina eserleku eserleku lortuko lituzkeelako Bizkaian eta Gipuzkoan, eta bat Araban. Orain baino ordezkari bat gehiago izango luke. EAJk ere bost aterako lituzke, galdeketaren arabera, 2019ko hauteskundeetan baino bat gutxiago. Sumarrek, berriz, diputatu bakarra aterako luke, eta, hortaz, Elkarrekin Podemosek 2019an atera zituenekin alderatuta, hirugalduko lituzke. PPk, berriz, lau aterako lituzke, orain baino bi gehiago.

Inkesta kaleratu berritan iritsi da UPNren erreakzioa. Alderdiko zerrendaburu Alberto Catalanek PPri botoa emateak duen arrisku jakin bati buruz hitz du: Alberto Nuñez Feijooren alderdiak EAJrekin aliantza bat egin dezakeela helarazi du, eta horrek «arrisku handia» dakarrela Nafarroarentzat. Hau da, UPN ala PP bozkatu, hori ez dela gauza bera azpimarratu nahi izan du Catalanek.