Pello Urizar EAko idazkari nagusiak adierazi duenez, PSE-EEri «hobeto datorkionean» deituko du hauteskundeetara Patxi Lopez Eusko Jaurlaritzako lehendakariak. Urizar ziur da hauteskundeak aurreratuko dituztela, eta uste du legealdia amaitzeko falta diren hilabeteetan EAJk, PSE-EEk eta PPk bat egingo dutela Bilduren aurka. EAren Gasteizko egoitzan eginiko prentsaurreko batean egin ditu adierazpenok Urizarrek.
Idoia Mendia Eusko Jaurlaritzaren bozeramaileak, berriz, berri agentzia bati emandako elkarrizketa batean esan du ez duela espero hauteskundeak laster izango direnik. «Lehendakariak eta Jaurlaritzak lan asko dute mahai gainean, eta Euskadiren alde lanean jarraitu behar dugu», esan du.
Sozialistek PPrekin zuten ituna hautsi ostean Jaurlaritza «lasai» dagoela adierazi du. Hala ere, Mendiak aitortu du «zailagoa» dela gutxiengoan gobernatzea. «Horrek, baina, ez gaitu beldurtzen», azpimarratu du.
Bozeramaile sozialistak, halaber, Espainiako Gobernuaren «birzentralizazioari» erantzun bateratua emateko eskatu du.
Urizarrek esan du alderdi guztiek bat egingo dutela Bilduren aurka
EAko idazkari nagusiak uste du PSE-EEri komeni zaionean deituko duela bozetara Eusko Jaurlaritzak
Iruzkinak
Ez dago iruzkinik
Ordenatu
