Eusko Legebiltzarrak urrats bat gehiago egin du Trebiñu Araban sartzeko. Legebiltzarreko Erekunde Batzordea gaur bildu da, eta Espainiako Diputatuen Kongresuan Euskal Autonomia Erkidegoaren eta Gaztela eta Leongo erkidegoaren mugak aldatzeko lege egitasmo bat aurkezteko txostena onartu dute, PP eta UPD ez beste talde guztien babesarekin. Bi alderdi horiek abstenitu egin dira, egitasmoan zehaztutako bideak Gaztela eta Leongo estatutua errespetatzen ez duela iritzita.
Behin betiko txostena Eusko Legebiltzarrak onartu beharko du, osoko bilkuran, eta, halaber, izendatu beharko ditu egitasmo hori Espainiako Diputatuen Kongresuan defendatuko duten legebiltzarkideak.
