URTXINTXA ESKOLAK 25 URTE BETE DITU

Urtxintxa aisialdi eskolak 25 urte bete ditu. «Hezitzaileak trebatzeko beharrari erantzuteko» sortu zen, eta bete du helburua. Izan ere, 10.000 pertsonatik gora trebatu ditu mende laurdenean. Atzo Bilbon egin zuten agerraldian, eskolako langileek eskerrak eman zizkieten proiektua posible egin duten guztiei. Prentsaurrekoan parte hartu zutenek 25 globo puztu zituzten: «Putz egitea dagokigu, norbere elkartetik, norbere proiektutik, norbere izatetik, egitetik, ekitetik».