Zapatero: "Prozesu honetara alderdi politiko guztiak daude deituta, behartuta"

“Zuhurtziaz, arretaz” hartu du Espainiako Gobernuak su-etenaren iragarpena, Jose Luis Rodríguez Zapatero Espainiako presidenteak esan duenez. “Bake prozesu oro bezala, horrenbeste izu eta gero, prozesu zaila eta luzea izango da. Beraz, uste dut prozesu honetara denok gaudela deituta, behartuta. Gobernuaren nahia alderdi politiko guztien laguntza izatea da”.Gaineratu duenez, “gauza guztien gainetik biktimen memorian pentsatu beha da, eta gure segurtasuna babesten lanean aritu direnengan eta dihardutenengan”.Orain arte alderdi guztiak lotu dituena “izua” izan dela esan du, “baina hemendik aurrera itxaropenak batuko gaituela uste dut, benetan elkartuko gaituela. Hori izango da gobernuaren lan egiteko modua”.