Ohi bezala, entzierro azkarra —2.29ko iraupena— eta adarkadarik gabekoa egin dute Miura ganadutegiko zezenek Iruñean, sanferminetako bigarrengoan.
Dena dela, Navajito zezenak, Santo Domingo bukaeran abiada bizia hartu ostean, arrisku handia sortu du Udaletxe Plazatik Estafeta hasierara artean. Merkaderesko bihurgunearen ondoren jende multzo batengana joan da, baina ez du inor adarkatu; gazte bat bi adarren artean eduki du, baina ez dio ezer egin.
Lagun bakarra eraman dute erietxera, bizkarrezurrean kolpea hartuta. Santo Domingon hartu du min.
Igandea zenez, ibilbidea leporaino egon da.
Uztailak 7. 2.53ko iraupena. Adarkada bat. Ganadutegia: Dolores Aguirre.
Uztailak 8 (gaur). 2.29. Adarkadarik ez. Ganadutegia: Miura.
Uztailak 9 (bihar). Ganadutegia: Cebada Gago.
Uztailak 10 (asteartea). Ganadutegia: El Pilar.
Uztailak 11 (asteazkena). Ganadutegia: Fuente Ymbro.
Uztailak 12 (osteguna). Ganadutegia: Victoriano del Rio.
Uztailak 13 (ostirala). Ganadutegia: Juan Pedro Domecq.
Uztailak 14 (larunbata). Ganadutegia: Torrehandilla/Torreherberos.
