Zebra muskuilua azaldu da Arrigorriagako urtegian

ARRIGORRIAGA. Uraren Euskal Agentziak baieztatu du zebra muskuilua agertu dela Arrigorriagako Mendikosolo urtegian (Bizkaia). Zebra muskuilu helduak agertu dira. Uretan eta harkaitzetan aurkitu dituzte. Oraingoz, ez dira zabaldu ez Goikiriko errekara, ezta Ibaizabal ibaira ere. Dena den, inguru horietan azterketak egiten jarraituko dute.