Zizurkilgo tren geltokia erasotu dute

Kale erasoa izan da gaur goizean Zizurkilen (Gipuzkoa), Renferen tren geltokiaren kontra egin dutelako hainbat ezezagunek. Hiru molotov koktel bota dituzte geltokira, Ertzaintzak jakinarazi duenez.

Erasoa goizeko ordu batak hogei gutxian izan da. Kateak ez dira handiak izan; pertsiana eta eraikinaren aurrea belztuta gelditu dira.

Bizkaian, berriz, pintura eta harriak bota dizkiete bart EAJren egoitzei: Lekeitio, Ibarrangelu, Forua, Lezama eta Getxon (Algortan). EAJren arabera, ez da inor zauritu, eta kalte materialak ez dira handiak izan. Ostiral goizean Bilbon Santutxuko egoitzak jaso zuen erasoa.

EBren eta Aralarren egoitzen kontra ere egin dute bart Algortan. Pintadak egin dituzte: "lapurrak", "traidoreak", "putreak", "hauteskunde demokratikoak", "akordiorik gabe, pakerik ez"...