Joan Paulo II.a «sendatuta» itzuli da Vatikanora

Eliza Katolikoaren burua erietxetik ateratzekoa da gaur, arnasteko arazoengatik bertan hamar egun eman ondoren. Karol Wojtylaren osasuna hobetu dela aldarri zuten atzo Vatikanoaren eledunek. «Aita Santuaren laringeko trakeitis larria sendatu da», esan zuen atzo Joaquin Navarro-Valls bozeramaileak. «Analisi guztiek eskaner bat tartean beste gaitzak baztertzeko aukera eman digute», gaineratu zuen. Edonola ere, etorkizunean beste okerraldiak gertatzea litekeena dela esan du berriki Corrado Manni Wojtylaren anestesistak. «Parkinson gaitza ez da sendatzen, asko jota motel daiteke», nabarmendu du.