Botereak usteldu egiten du, askotan entzun duzu, zuk ere askotan esana duzu gauza bera. Noski, agintariak dituzu gogoan, egunkarietan-eta sarri azaltzen direnak. Haiek dira boteredun, haiek dauzkazu usteltzat; edo haiek ikusten dituzu, behintzat, usteltzeko bidean eta bertsolariak kantatutako «bera eroriko duk, ez hakiok bultza» trantzean. Zuk ez baituzu botererik, zuk ez daukazu boterezko erantzukizunik zure bikote harremanean, gurasoekin edo seme-alabekin, lantegian edo kuadrillan, etxea garbitzera edo etxeko matxuraren bat konpontzera etorri zaizun langilearekin, inoiz begiratu ere egin ez diozun kale-kantoiko eskalearekin... Besteak dira beti boretedunak, zuk ez dakizu zer den abusua, zer hurkoa menostea, zer txantaje emozionalak eta bestelakoak egitea zure harremanetan. Nola, ba? Zuk ez duzu botererik!
Agian konprometitu nahi ez duen Peter Pan heldugabe bat zara, eta oraindik ez zara enteratu.
HITZ BESTE
Botererik ez
Iruzkinak
Ez dago iruzkinik
Ordenatu
