Joan zen ostiralean gaurko zutabe hau idatzi beharrak iragarle lanetan jarri ninduen atzoko emaitzen usnan. Arriskatuko nuen pronostiko bat? Nire baitako desideratum ederrenen aurrean aurkituko nuen Rajoyren porrot totala baino poz beteagorik? Hirugarren hauteskunde batzuen esperpento tristea iragarriko nuen? Kabalak, aieruak, zutabea bete ahal izateko saio fundamentu gabeak. Hona garbi neukan aurreikuspen bakarra: hautagai nagusi guztiek desitxuratu egingo zuten beren emaitza hauteskunde oste guztietan bezala, galtzaileek aitzakiak jarriko zizkioten porrotari, irabazleek beren emaitzen balio erlatiboa puztuko zuten eta, edozein izanda ere emaitza, denei ahaztuko zitzaien aipatzea akordiotara iristeko beren harrokeria antzuak eraman zituela berriro mikrofonoen aurrera.
Hartan, Dickensen Esperantza handiak nobelako narratzaileak dioenaz gogoratu nintzen: «Munduko iruzurle handienak deus dira beren burua engainatzen dutenen parean».
HITZ BESTE
Iruzurra
Iruzkinak
Ez dago iruzkinik
Ordenatu
