Han-hemenka usnatu dut euskara burgeskeriarekin lotzearen inguruko eztabaida bat, ongi jakin gabe jatorria non duen, baina hezkuntza sistemaren desorekak (segregazioa?, klasismoa?) aipagai. Tarte honek sakontasunerako espazio gutxi eskaintzen duenez, azaleko galdera pare bat egitearekin konformatuko naiz.
Izan daiteke hizkuntza bat burgesa?, proletarioa? Berez, ez. Izatekotan, hiztunak hala diren neurrian. Orduan, galdera birformulatuta, euskaldunok euskara egiten dugu burges? Horrela ere ez zait galdera utila iruditzen. Hobe: pribilegiorako erabiltzen dugu euskaldunok euskara? Erantzunak baiezkoa ala ezezkoa izan behar du?
Gauzak konplikatuak izaten dira. Orokorkeriek ez dute sakoneko arazoak ulertzera laguntzen. Euskalduna naizen aldetik, eta euskara hizkuntza gutxitua den neurrian, neure burua munduko baztertuen taldekotzat jotzeak autoengainutik izan dezakeen jakitun izatea komeni da. Aurrean nor dugun ere hartu behar da aintzat. Erakunde bat, herrialde bat, zure maila ekonomikoko norbait ala baliabiderik gabeko etorkina. Denok dakigu, euskara noren aurrean egiten dugun, saria dakarrela edo zigorra, goian paratzen gaituela edo behean. Gureterritorio libre bakarra da, bai, baina nortaz librea?
JIRA
Euskara burges
Iruzkinak
Ez dago iruzkinik
Ordenatu
