Duela hilabete batzuk, Bartzelonako Udalak Israelgo Estatuarekin harremanak apurtzea erabaki zuen. Horretaz gain, adierazpen instituzional bat onartu zuen. Ez dakit noraino helduko diren ondorioak arlo guztietan, ekonomian, harremanetan (kirolak, bidaiak...), baina hartutako erabakia eredugarria iruditzen zait, eta gutxieneko ekintza palestinar herriari elkartasuna adierazteko eta Israelgo genozidioa salatzeko. Hori dela eta, lerro hauetatik Euskal Herriko udal guztiei Bartzelonako Udalaren bide bera egiteko proposamena egiten diet, eta erabaki horiek Euskadi eta Nafarroako parlamentuetara eramateko, parlamentu horiek deklarazio instituzionalen bidez Israelgo Gobernuarekin harremanak apurtzeko. Horretaz gain, Eliza Katolikoari Israelgo Estatuarekin duen harremana eteteko eskatzen diot, eta hara egiten diren bidaiak eta mota guztietako ekimenak bertan behera uzteko.
Bilbo
Israel, Euskal Herriko udalak eta Bartzelonaren eredua
Iruzkinak
Ez dago iruzkinik
Ordenatu