13 urterekin Everestera

Jordan Romero, Kaliforniako (Ameriketako Estatu Batuak) 13 urteko mutilak Everestera igo nahi du, munduko tontorrik garaiena (8.848 metro, Nepal). Igoko balitz, hori lortuko lukeen pertsonarik gazteena izango litzateke. "Denbora askoan egon naiz une honen zain", esan du gaztetxoak.

Badu esperientzia beste mendi handi batzuk igotzen, egindak dituelako Aconcagua (6.962 metro, Argentina), Kilimanjaro (5.895, Tanzania), Mackinley (6.194, Alaska) edota Elbrus (5.642, Errusia).

Besteak beste, aitarekin abiatu da Nepalera. "Hori da bere egitekoa, eta ondo pasatzen dugu guk", esan du Jordan Romeroren aitak.