Aitzol Atutxak laugarren aldiz jarraian irabazi du Urrezko Kopa

AIZKORA. Aitzol Atutxak ondo hartuta dio neurria Urrezko Kopari. Dimako aizkolariak irabazi egin ditu azkeneko lau ekitaldiak; azkena, atzo, ohi bezala, Donostiako Trinitate plazan jokatutako deman. Atutxa II.a nagusitasunez gailendu zen. 31.52ko denbora egin zuen. Iker Vicente bigarren izan zen (33.10), Mikel Larrañaga hirugarren (35.46), Iñaki Azurmendi laugarren (35.53) eta Joseba Otaegi bosgarren (39.15).