Arrospidek eta Ugarteburuk 13-0 irabazi zieten Azurmendi eta Mugertzari final-laurdenetan, lau probak irabazita. Ugarteburu berriro agertu zen txapelketa batean, eta neurria ema zuen. Ezkio-Itsasokoa egurrak belarrez estaltzen aritu zen atzo, eguzkiagatik; azken txanda librekoak plazaratuko dituzte.Lehen saioan ongi jardunda, biharkoaz mintzo da: «Ez dugu kezka berezirik, eta lan polita egiteko moduan gaude. Tripetatik gaizki samar ibili naiz, baina ez dut aitzakiarik».Idiazabalgo saioa otsailaren 1ean jokatu zuten, eta denbora onak egin zituzten, baita Azurmendik eta Mugertzak ere. Horregatik, berriro lan biribila egin beharko dute nagusitzeko. «Ez da erraza izango ordukoa hobetzea. Gainera, aurkariek segur aski egur eutsi samarrak plazaratuko dituzte», nabarmendu du
Peñagarikano- Txapartegi ere aitzakiarik gabe
Otsailaren 1ean, Peñagarikanok eta Txapartegik ere irabazi egin zieten Miel Mindegiari eta Vicenteri (9-4). Txapartegik adierazi du «lan ona» egin zutela orduan, eta irabazteko «itxaropena» duten arren, hobetzea «zaila» izango dela. Hala ere, prestaketan «serio» aritu direla.
Biharkoaz hau dio: «Arrospiderentzat oso egokia da lana, eta ez du hutsik egingo. Dena den, final-laurdenetan baino lan luzeagoa da eta ongi datorkigu. Gainera, komeni zaigu lana pittin bat gogortzea eta egurrak ere ematekoak plazaratuko ditugu. Bestetik, Ugarteburuk harritu egin ninduen, baina aizkolari aritua da eta tentuz hartzekoa».
-
Saioko probak
Lau proba puntuagarri izango dira, eta puntu gehien batzen duen bikotea izango da garailea. Biko bakoitzak 15 enbor ebaki beharko ditu eta 13 puntu izango dituzte jokoan.
1. proba:Bi bikoteak txanda librean oinbikoa ebakitzera (2 p.).
2. proba:Buruz buru kanaerdiko bat ebakitzera (puntu 1). Bikote bakoitzeko aizkolaria bestearen kontra ariko da, eta bakoitzak bina txanda egingo ditu. Lehenik, Ugarteburu Peñagarikanoren kontra. Ondoren, hurrenez hurren, Arrospide Txapartegiren aurka, Arrospide Peñagarikanoren kontra eta Ugarteburu Txapartegiren aurka.
3. proba: Erreleboka bi bikoteak, bi 60 ontzako ebakitzera (2 puntu). Biko bakoitzeko aizkolariak enbor osoa ebaki beharko du kideari lekukoa eman aurretik.
4. proba: Txanda librean bi bikoak elkarren kontra, zortzi enborrera: Lau kanaerdiko, bi 60 ontzako eta bi oinbiko (5 puntu).
