Alavesek ondo jardun du; Eibarrek, aldiz, galdu egin du

Eibarrek eta Alavesek ere jokatu zuten atzo, emaitza ezberdinak lortuz. Eibarrek 2-1 galdu zuen Huescaren aurka, ligako lehen jardunaldian izango duen aurkaria. Lehen hogei minutuetan bi gol jaso ondoren, Kike Garciak sartu zuen 2-1ekoa (34. min.). Alavesek, aldiz, hiruko torneo batean hartu zuen parte, eta 1-0 irabazi zuen Valladolid eta Oviedoren aurka jokaturiko 45 minutuko partida bana. Golak Manu Garciak eta Burgik sartu zituzten.