Alberto Contadorrek Astanan jarraituko du

Sekulako okerrik ezean, Alberto Contadorrek Astana taldean jarraituko du hurrengo denboraldian ere. Nazioarteko Txirrindularitzaren Batasunak eskatutako agiri guztiak aurkeztu zituen taldeak herenegun, azken egunean, eta, gainera, Kazakhastango Parlamentuak diru bermeak onartu ditu. Haimar Zubeldia, berriz, berak jarritako helegitearen zain dago Radio Shackera joateko.