Alonso: "Red Bullen nagusitasuna iaz Brawnek zuena baino handiagoa da"

Montmeloko Espainiako Sari Nagusiaren bezperan Fernando Alonso Ferrari taldeko gidariarekin egindako elkarrizketa argitaratuko du bihar BERRIAk. Honatx haren esaldi batzuk:

- "Une honetan Red Bullen nagusitasuna iaz Brawnek zuena baino handiagoa da, araudia aldatzean hori gertatu delako. Aurreko urtean sailkapeneko hirugarren saioan erregaiez beteta zeuden autoak, lasterketa hasteko behar zen erregaiarekin egin behar zelako saioa. Eta hor, pisuarekin jolasten, pisu gutxiago jarrita, gerturatu egiten ginen bata bestearengandik. Hori aurten ez da hala, denak erregai minimoarekin gaudelako, eta sailkatzean ikusten dena autoaren benetan errendimendua da, eta hor agerian gelditzen da Red Bull zein aurrean dagoen".

- "Webber eta Vettel asko errespetatzen ditut. Oso kontuan hartu beharreko gidariak dira, eta oso maila altuan kokatzen ditut".

- "Bihar podiuma egitearekin konforme nengoke".