Anthonyk 26 puntu sartu dizkio New Yorki

SASKIBALOIA. Denver Nuggetsek 120-118 irabazi zion New Yorki. NBAko azken jardunaldiko partidarik erakargarriena izan zen. Lehiak ikusmin handia piztu zuen, aurreko uda osoan bolo-bolo ibili baitzen Carmelo Anthony Denverreko izarrak New Yorkera joan nahi zuelako zurrumurrua. Hegalekoak, baina, ez zuen errukirik izan eta partida ona jokatu zuen: 26 puntu lortu, eta bederatzi errebote hartu zituen.