Arratek oso zail du gaur Valladolid ezustean hartzea

ESKUBALOIA. Arratek Valladoliden jokatuko du gaur Asobal ligako 24. jardunaldiko partida (12:00). Ezustekorik ezean, eibartarrak esku hutsik itzuliko dira, handia baita bi taldeen arteko aldea. Sailkapena ikusi besterik ez dago: Valladolid bosgarren da, eta Arrate hamalaugarren. Eibartarrek hurrengo lehian dute burua, Toledoren pistan ariko baitira, haien atzetik dauden bi taldeetatik aurrenekoa.