ATLETISMOA. Budapesten jokatuko da Atletismoko Munduko Txapelketa, abuztuaren 19tik aurrera. Bada, Asier Martinez ez da bertan izango. Hesi jauzilariak amaitutzat eman du denboraldia.
Bere sare sozialetan egin zuen atzo iragarpena: «Jaikitzea eta borrokan jarraitzea, ez zait besterik geratzen». Erabakia «triste eta amorratuta» hartu duela azaldu du. « Ezin diot neure buruari ezer leporatu. Izan ere, ez diot ahalegintzeari utzi».
Martinezek argi ditu bi gauza: «Batetik, badakit zein helburua ditudan; eta, bestetik, argi dut norekin lortu nahi ditudan». Duela aste batzuk emandako elkarrizketa batean, Martinezek onartu zuen oin zolan izandako lesioak ez ziola uzten behar bezala entrenatzen, eta kostatu egin zitzaiola Tokioko Olinpiar Jokoen ostean bizitakoa kudeatzea.
Asier Martinezek amaitutzat eman du denboraldia
Iruzkinak
Ez dago iruzkinik
Ordenatu