Astelehenean jaialdia egongo da Tolosan

ESKU-HUSKA. Heldu den astelehenean jokatuko da udazkeneko lehen jaialdia Tolosako Beotibarren. Partida nagusian, Olaizola II.a-Ruiz Olaizola I.a-Beginoren aurka ariko dira, eta hirugarrenean, 2. Mailako lau t'erdikoaren finalerdietako norgehiagoka jokatuko da. Bestalde, Barriolak eta Gonzalezek larunbateko lau t'erdiko finalerdietako partidarako pilotak aukeratuko dituzte gaur, Iruñeko Labriten (11:30).