Erredakzioa
Bilbo
2009ko uztailaren 12a
00:00
Ez zen ezustekorik izan Santurtziko Banderan, eta Astillerorentzat izan zen garaipena. Espainiako taldeak KAE 1 ligan irabazi duen bigarren aldia da; biak jarraian irabazi ditu, gainera, eta horrek erakusten du ederki asko besteak baino gehiago dela. Hala ere, hori ez da, oraingoz, sailkapen nagusian islatzen, Astillero bigarren baita. Pasai Donibane da lider, 44 punturekin, espainiarrek baino puntu eskas bat gehiagorekin. Pasai Donibanek lehen postuari eusten dio oraindik. Atzo bigarren izan zen, eta horri esker jarri zen ligako buruan. Ez zuen urrun izan garaipena, hiru segundora, baina Astillerok ez zuen huts egin.
Santurtzin atzo lehiatu ziren ontziak Elantxoben arituko dira gaur, 12:00etan (Bizkaia). Astillero izango da berriz ere faboritoa, eta, ezustekorik ezean, Ligako lider jarriko da. Ordu berean, KAE 2 ligako estropada egingo dute Trintxerpen (Gipuzkoa).
Sailkapena
KAE 1, SANTURTZIKO BANDERA
1. Astillero 19.45,40
2. Pasai Donibane 19.48,63
3. Santurtzi 19.51,36
4.Orio B 20.02,56
5. Camargo 20.06,87
6. Isuntza 20.16,09
7. Zierbena 20.16,83
8. Kaiarriba 20.31,01
9. Hondarribia B 20.37,32
10. Portugalete 20.58,48
11. Busturialdea 21.01,57
12. Ondarroa 21.02,63
