UEFA-ko final-hamaseirenak

Austria Vienak eta Athleticek ez dute partida jokatuko, zelaiaren egoera txarragatik

Austria Vienak eta Athleticek UEFAko final-hamaseirenetako partida ez dute jokatuko gaur. Euskal Herrian bezala, elurra eta hotza dira protagonista Austrian. Elurrak Prater estadioa estali du, eta zelaiko hainbat zonalde izoztuta daude. Egun osoan zehar ez da jakin partida jokatu zen edo ez, baina azkenean ez jokatzea erabaki dute, zelai oso egoera txarrean dagoelako. Bi taldeek ez zuten jokatu nahi.

2005eko otsailaren 16a

20:06

Entzun 00:00:00 00:00:00

UEFAko ordezkariak partida jokatzearen alde agertu dira. Zelaiko marrak gorriz pintatzea eta partida baloi gorriarekin jokatzea proposatu dute.

Partida 20:45tarako zegoen iragarrita. Baina azkenean ez jokatzea erabaki dute. Orain, partida hori noiz jokatu erabaki beharko dute.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak